Message from President

साघुँरिदै गएको विश्व अर्थ व्यवस्था र त्यसले सिर्जना गरेका चुनौतीहरुलाई समना गर्न उद्योगि व्यवसायीहरुको पेशागत हक अधिकारको संरक्षण र संवद्र्धन गर्न विधिवत रुपमा दर्ता भएका व्यवसायीहरुलाई संगठित गर्ने उद्देश्यले नेपाल उद्योग व्यापार महासंघको स्थापना भएको हो ।

“समृद्ध नेपाल” निर्माणको लागि राष्ट्रिय औद्योगिकरण एवं व्यापार विविधिकरण गर्न क्रियाशिल रहने गरि व्यवसायिक प्रतिष्ठान एवं संघ संस्थाहरुलाई एकै ठाउँमा आवद्ध गर्दै राष्ट्रको सर्वाङ्गिण एवं समग्र आर्थिक विकासका निमित्त साझा नीति तथा कार्यक्रमबाट अगाडि बढनु आजको आवश्यकता हो । समान उद्देश्य र प्रकृतिका राष्ट्रिय तथा अन्तर्राष्ट्रिय संघ संस्थाहरुसँग सम्वन्ध स्थापित गर्दै नीजि क्षेत्रबाट हुने लगानीको कर्ताहरुको हितको संरक्षण र प्रवद्र्धन गर्नु प्रमुख चुनौति रहको छ ।

उद्योग, व्यापार तथा व्यवसायको क्षेत्रमा रहेका समस्या एवं विकृति विसंगतिको अन्त्यका लागि सवै उद्योगि तथा व्यवसायीहरु एकजुट हुँदै अघि बढनुको विकल्प छैन । उद्योग तथा व्यवसाय क्षेत्रलाई अझबढी परिणाममुखी वनाउन विभिन्न शिपमूलक तालिम, अनुसन्धान तथा अध्ययन अध्यापन कार्यक्रमहरु संचालन गर्नुपर्ने देखिन्छ यसका लागि नेपाल उद्योग व्यापार महासंघले नेपाल सरकार तथा सम्वन्धित पक्षसँग आवश्यक छलफल तथा सहकार्य गर्दै सदैव व्यवसायीक हकहितको संरक्षण , सम्वद्र्धन तथा प्रवद्र्धन गर्न लागि पर्नेछ ।